Әлеуметтік маңызы бар тауарлардың бағасын тұрақтандыру бойынша атқарылып жатқан шаралар

Шығыс Қазақстан облысы Сауда және тұтынушылардың құқықтарын қорғау департаменті ішкі сауда саласындағы заң талаптарын сақтау, әсіресе әлеуметтік маңызы бар азық-түлік тауарларын бағасына қатысты, қажеттігін еске салады.

Әлеуметтік маңызы бар тауарлар дегеніміз күнделікті сұранысқа ие, тұрғындар бірінші кезекте тұтынатын азық-түліктер. Олардың халыққа қолжетімді болуы, бағасы мемлекет тарапынан бақыланады.

ӘМБТ тізімі:

• Бірінші сортты бидай ұны
• Бірінші сортты ұннан жасалған бидай наны 
• Күнбағыс майы
• Рожки өнімдері (өлшенетін)
• Сиыр еті (жауырын-кеуде бөлігі сүйегімен)
• Тауық еті (жамбас және жіліншік сүйектерімен ет бөлігі)
• Қарақұмық жармасы (өлшенетін)
• Тазартылған күріш (өлшенетін)
• Қант (ақ қант ұнтағы)
• Тауық жұмыртқасы (бірінші санат)
• Сәбіз
• Пияз
• Картоп 
• Орамжапырақ
• Сары май (тұзсыз, майлылығы кемінде 72,5%, қоспасыз және өсімдік майларынсыз)
• Айран (майлылығы 2,5%, жұмсақ қаптамада)
• Сүт (пастерленген, майлылығы 2,5%, жұмсақ қаптамада)
• Сүзбе (майлылығы 5-9%)
• Тұз (ас тұзы, «экстрадан» басқа).

Заңнамаға сәйкес, сатушы әлеуметтік азық-түлік түрлеріне  баға белгілеген кезде, өзі сатып алған бағасына 15%-дан артық үстеме баға қоюға тыйым салынған.

Қазақстан Республикасының Әкімшілік құқық бұзушылық туралы кодексінің 204-4 бабына сәйкес, әлеуметтік азық-түлікке 15 пайыздан артық сауда үстемесін қосқаны үшін:

• жеке тұлғалар мен шағын кәсіпкерлік субъектілеріне — 5 айлық есеп көрсеткіші (АЕК) (19 660 теңге);
• орта кәсіпкерлік субъектілеріне — 35 АЕК (137 620 теңге);
• ірі кәсіпкерлік субъектілеріне — 150 АЕК (589 800 теңге) мөлшерінде айыппұл салынады.

Жыл ішінде, әкімшілік жаза қолданылғаннан кейін, бұл әрекет қайталанса:

• жеке тұлғалар мен шағын кәсіпкерлік субъектілеріне — 10 АЕК (39 320 теңге);
• орта кәсіпкерлік субъектілеріне — 70 АЕК (275 240 теңге);
• ірі кәсіпкерлік субъектілеріне — 300 АЕК (1 179 600 теңге) айыппұл салынады. 

Ағымдағы жылдың басынан бері Департаментпен 155 әкімшілік құқық бұзушылықты тіркелді, оның ішінде 77-сі әлеуметтік маңызы бар азық-түлік тауарларына 15%-дан асатын үстеме баға қойғаны үшін. Тексеру іс-шараларының нәтижесінде: 50 — «ескерту» түрінде хаттама толтырылса, 27 кәсіпкерге жалпы сомасы 285 070 теңге мөлшерінде айыппұл салынды.

Егерде әлеуметтік азық-түлік бағасының қымбат екендігін көрсеңіз, оның аз уақытта жоғарылап кеткенін байқасаңыз, саудагер бағаны аса көтеріп қойды деп есептесеңіз, Департаментке шағым түсіруге құқылысыз.

Департаменттің байланыс телефондары; 8 (7232) 26-72-07, 61-41-21. Сонымен қатар Е-Өтініш порталы арқылы, сондай-ақ Өскемен қаласы, 30 Гвардиялық дивизия көшесі, 22 мекенжайына келіп жүгіне аласыз. Немесе өзіңіз тұрған жердегі жергілікті әкімдікке өтініш қалдыра аласыз.