ШҚО әкімі туризмді дамытудың шеберлік-жоспарын сынға алды
Облыс әкімдігінде өткен отырыста өңір басшысы Нұрымбет Сақтағанов туризмді дамыту және инвестиция тарту мәселесіне жеке тоқталды.
«Бүгін кеңейтілген аппараттық кеңесте өңір басшысының бірінші орынбасарының жұмысына қатысты объективті, бірақ айтарлықтай қатаң баға берілді, — деп хабарлады Нұрымбет Сақтағанов. — Оның ұсынған туризм бойынша шеберлік-жоспары жақсы рәсімделген құжат болғанымен, нақты іске асыру қадамдары, мерзімдері және жауапты орындаушылар көрсетілмеген. Инвестициялық саясатта да осындай жағдай байқалады. Бұл басшының тікелей жауапкершілік аймағы, алайда нақты жұмыс жеткілікті деңгейде жүргізілмей отыр. Инвестиция тарту нақты жобаларға, жұмыс орындарына және салық түсімдеріне әкелуі тиіс, қағаздағы презентациялармен шектелмеуі керек. Ескертулерді жою бойынша нақты мерзімдер белгіленді».