2025 жылдың қорытындысы: ШҚО-да 98 млрд теңгеге 856 шақырым жол жөнделді

Кез-келген аймақтың дамуы қазіргі заманғы инфрақұрылымсыз мүмкін емес. Бүгінде ШҚО көлік, коммуналдық және энергетикалық жүйелерді белсенді түрде жаңартып, қолайлы өмір сүруге және тиімді бизнеске жағдай жасауда, деп хабарлайды YK-news.kz.

Биыл екі жаңа әуежайдың құрылысы жүргізіліп, «Майқапшағай» және «Уба» өткізу бекеттері, сондай-ақ бес теміржол вокзалы жаңғыртылуда. Өткен жылдан бастап Өскеменнен Мәскеу мен Новосібірге халықаралық рейстер орындалса, келесі жылдан бастап Қытайға әуе рейсі ашылады. Өскемен – Алматы теміржол бағыты бойынша «тальго» қатынайды деп жоспарлануда.

Автожолдарға ерекше көңіл бөлінуде: 2025 жылы 98 миллиард теңгеге 856 шақырым жол жөнделді. Талдықорған – Өскемен және Өскемен – Семей жобалары аяқталды, Өскемен – Рахман қайнарлары және Қалбатау – Майқапшағай жолдарын жөндеу бойынша жобаларды іске асыру жалғасуда. Өскеменде екі жолайрық салынып жатыр, Ертіс пен Үлбінің үстінен екі жаңа көпір салу жоспарланып отыр, бұл қаладағы өткізу қабілеті мен транзиттік әлеуетті арттырады. Келесі жылдан бастап Өскемен – Шемонаиха – РФ шекарасы трассасындағы Үбі өзені арқылы өтетін апатты көпірді қайта құру жұмыстары басталады.

Тұрғын үй инфрақұрылымы да дамып келеді: 2025 жылы 380 мың шаршы метр тұрғын үйді, оның ішінде 2,3 мың пәтерлі 29 көпқабатты үйді және «Бір қабатты Шығыс» бағдарламасы аясында 350 пәтерді пайдалануға беру жоспарланған.