Өскеменде қайырымдылық концерті өтті
«Үміт» өмірлік қиын жағдайдағы балаларды қолдау орталығының тәрбиеленушілері мен түлектері «Аялы алақан» концертінде өздерінің шығармашылық өнерлерін көрсетті. Іс-шара «Бақытты отбасы» партиялық жобасы аясында ұйымдастырылды. Концерт басталғанға дейін барлық тілек білдірушілер орталықтың балаларына қайырымдылық жасай алды.
— Біз екінші жыл қатарынан «Үміт» балалар үйінің тәрбиеленушілерін қолдау мақсатында қайырымдылық жобасын жүргізіп келеміз, — деді «AMANAT» партиясы қалалық филиалының төрағасы Арайлым Есімбекова. — Оның басты міндеті — қоғамда балалар үйлері мен қарттар үйлері бар екендігі туралы ақпарат беру. Біздің жастарымыз мұны істемеуі және балаларын жақсы көруі тиіс. Мүмкін, тәрбиеленушілердің ата-аналары өз балаларын экранының екінші жағын көріп, бір кездері осындай әдемі сәбилерден бас тартқанын түсінеді. Демеушілерімізге зор алғысымды білдіремін!
Балаларды қорғау күні мерекесіне орай Шығыс Қазақстан облысы волонтерлерінің фронт-офисі екінші жыл қатарынан «Үміт» қолдау орталығының тәрбишеленушілерінің қатысуымен қайырымдылық концертін ұйымдастыруға және өткізуге қолдау көрсетті. Биылғы жылы университеттер мен колледждердің, өңірдің барлық тұрғындары мен демеушілерінің балаларымызды қолдаған ерекше және құрметті қарым-қатынасын атап өту қажет. Сондай-ақ балалардың бос уақытын ұйымдастыру үшін Ya Ya Park ойын орталығына тегін барудың 100 сертификатын табыс етті.
Концертте жиырмадан астам шығармашылық нөмірлер ұсынылды. Іс-шара барысында балаларды қорғау күнімен құттықтау бейне-үндеулерін Қазақстан Республикасы Парламенті Сенатының депутаты Ольга Булавкина, Қазақстан Республикасы Парламенті Мәжілісінің депутаты Ұлықбек Тумашинов, сондай-ақ мекеменің достары жолдады. Орталық тәрбиеленушілері оның директорына жылы сөздер айтып, аналарына ерекше ризашылықтарын білдірді.
— Менің бүкіл өмірім балалармен байланысты шығар, — деп еске алады «Үміт» балаларды қолдау орталығының директоры Майра Бейсеканова. — Мен төменнен бастадым — тазалаушы, аула сыпырушы, одан кейін күтуші және тәрбиеші болып жұмыс істедім. Бүгін Халықаралық балаларды қорғау күні және біз олардың ештеңеге мұқтаж болмағанын қалаймыз. Бізде интернаттан кейінгі қолдау көрсету бар және демеушілеріміздің балаларға білім алу және мансап құру үшін оқу гранттарын бергені өте қуанышты. Біздің әрқайсымыз баланың тәуелсіз өмірге дайын болуын қамтамасыз етуге тырысамыз. Мен Қазақстанның барлық балаларын тамаша мерекемен құттықтаймын!
Айта кету керек, балалар үйінің бұрынғы тәрбиеленушілері үлкен жетістіктерге жетіп, кез-келген адам өз армандарының орындалуына қол жеткізе алатындығын көрсету үшін орталыққа жұмыс істеуге оралады. Солардың бірі — «X Factor Қазақстан» шоуының жеңімпазы атанған Өскемен қаласының тұрғыны Евгений Выблов.
— Мен музыкамен балалар үйінде әуестендім, өткен жылдан бастап біз балаларды қолдау орталығы деп атала бастадық, — деп атап өтті концерт жүргізушісі Евгений Выблов. — Менің тәлімгерлерім маған музыка әлемін ашқан болатын, олардың арқасында мен жақсы нәтижелерге қол жеткіздім. Мен әр мұғалімге өте ризамын, олар маған үлкен өмірге жолдама берді. Мен музыкалық жобаның жеңімпазы болдым, альбом жаздым, содан кейін тәрбиеші ретінде біздің балалар үйіне оралдым. Мен балаларымызға шығармашылық мүмкіндіктерін ашуға көмектесемін. Ең бастысы — өзіңізбен жұмыс істеу, содан кейін бәрі ойдағыдай болады.
Евгений бүгінде мемлекеттің балалардың ештеңеге мұқтаж болмауы үшін барлығын жасап жатқанын атап өтті. Ол орталықта тәрбиеленушілердің өздерін үйіндегідей сезінуіне барлық жағдай жасағаны үшін Майра Бейсеқановаға ерекше алғысын білдірді.
Іс-шара барысында бірқатар түлектерге қаланың жоғары оқу орындары мен колледждерінде гранттық оқытуға сертификаттар табысталды. Үш білім грантын С. Аманжолов атындағы Шығыс Қазақстан университеті, екі грантты — Д. Серікбаев атындағы Шығыс Қазақстан техникалық университеті, екі грантты — Қазақстан-Америка еркін университеті және бір гранттан — Абай атындағы гуманитарлық колледж және политехникалық колледж бөлді.
Сондай-ақ, «Royal Park» балалар ойын-сауық орталығы жүз кішкентай тәрбиеленуші үшін күні бойы тегін баруды ұйымдастырды.
— Бірінші кезекте, кішкентай әртістерімізді балаларды қорғау күнімен және оқу жылының аяқталуымен құттықтағым келеді, — деді Өскемен қаласы әкімінің орынбасары Ирина Смит. — Бүгін Сіздер бізге керемет мереке сыйладыңыздар! Біз «Үміт» үйінде талантты және өнерлі балалар тұратынына тағы да көз жеткіздік.
Елена Бредихина
Фото автордан